صباح الخير أو مساء الخير على حسب الوقت الي قرأت فيه هذا البوست…
اليوم بشارككم بفكرة تأمل… فكرة التأمل هذي تأثيرها فوري،، يعني أول ما تسوى التأمل تتغير حالتك النفسية وأنصح فيه مرره يعني التأمل الي افكر أسويه اول مااحس اني أحتاجه
ع العموم خلوني اتكلم لكم اول عنه وليش تعمله…
إسم التأمل “Loving kindness madiatation “
تسويه لما تحس ان فيه احد ضايقك إستفزك او كنت زعلان على شخص معين،، في قلبك عليه عتب وشايل عليه،، او حتى لو حبيت ترفع من نسبة حبك وعطفك وحنانك للعالم وعائلتك وللناس الي تعرفهم
كيف طريقته… تسوي تأملك عادي.. 🧘♀️تكون مرتاح ومسترخي تلاحظ تنفسك وتركز على صدرك تتخيل قلبك تكون واعي لطريقة تنفسك هل هو عميق ولا سطحي،، تنتبه لصدرك لما يرتفع وينخفض أثناء التنفس،،،وتوجه كلام حب لنفسك
تتخيل شخص تحبه.. تخيل وجهه وش لابس وعبر له عن حبك.. كل الحب الي في قلبك له عبر عنه وإدعي له بالتوفيق والسعادة والحب❤️❤️
بعدين تخيل شخص ثاني،، يمكن امك.. والدك.. أخيك.. اختك.. وعادي تنتقل بينهم كلهم وتوجه لهم كلمات حب قصيره وتعبر لهم عن مشاعرك إتجاههم .. وتخيل انهم يجتمعون تخلص من واحد وتتوجه للثاني
بعدها تتخيل الشخص الي مزعلك.. وتدعي له وتعبر له عن حبك وتدعي له من قلب بالحب والسعادة والراحة والسلام وكل الأشياء الحلوه الي بالعالم.. ثم تنتقل هذي المشاعر لكل الناس الي ع الكوكب بكل أشكالها وألوانها وجنسياتها تخيلهم وتمنى لهم الحب وأدعي لهم
وأخيراً لاحظ صدرك و تنفسك وتطلع من التأمل…أثناء التأمل ممكن تبكي.. ممكن تتأثر وتطلع من عيونك دموع ولكنها دموع حب وتعاطف ورأفه ورحمه.. يعني مشاعر حلوه
.هذا التمرين تقدر تسويه كل يوم او كل مره تحس انك تحتاجه… أنصح فيه بقوه وتقدر تسويه الآن
كل الحب والسلام والسعادة تغمر دربكم ❤️❤️❤️
وإذا حابين تشوفون وتجربون تأمل ع اليوتيوب هذا هو
