لا تنتظر الوظيفة!

هذا اكثر شيء ينرفزني.. جملة.. أنتظر الوظيفة! 🤷‍♂️.. طيب وإذا الوظيفة مارح تنزل لك إلا بعد عشرين سنه.. بتجلس تنتظرها؟

تخرجت؟

لا تنتظر الوظيفة.. قدم وسو كل الي عليك بس لا تنتظرها وتحط ايدك على خدك… قم وإشتغل وتحرك… هذي فرصة لك لتنتبه وتفضى وتركز على نفسك بعد ربطة الدراسة.. الحين تقدر وعندك وقت تركز على الأمور الي تحبها،، تجرب أمور جديدة ،،تختبر أمور جديدة وتدخل لسوق العمل والشغل.. ماتدري يمكن تنزل وظيفتك وأنت صرت مأمن نفسك في ذاك الوقت تقدر تختار وما تنجبر تشتغل في شي انت ما تحبه

Don’t sit and do nothing 🙄😑

تقدر تشتغل بأي شيء،، الشغله مو شغلة راس مال وقروض وديون الخ… تقدر تشتغل حارس،، سواق بأوبر،، توصل طلبات،، تفكر بأمور حاب تجربها في هذي الفتره وتقوم تختبرها على أرض الواقع،، تشغل عقلك لا تخليه يضيع بالتوافه..

إحترام لنفسك بيزيد وإحترام الناس لك كمان بيزيد

لا تكون زي الناس الي همهم مظاهر وسهرات وسواليف تافهه وعايشين فراغ ماكلهم أكل

اشتغل على نفسك أسس نفسك.. تعرف على أشخاص عقليتهم نظيفه يساعدونك ويدعمونك تتحرك

.

.

أصعب فتره وأصعب قرار هو أنك تبدأ مجرد ما تقرر تبدأ كل شيء ثاني رح يكون أسهل.. رح تواجهك عقبات ولكنها رح تصقل شخصيتك.. رح تخليك إنسان مسؤول يقدر يدعم نفسه ويدعم أهله بعدين