الأشياء الرائعة تبدأ بتدوينة

فكرة هذا المنتج…. .
انه قبل فتره طويله احب ادون اكتب مشاعري عن نفسي عن اللي حولي افكاري وما إلى ذلك.. ولكن لما ارجع أقرأها بعدين.. كميه مشاعر سلبيه غير مريحه.. فقررت اني اكتب وأدون بخط سريع عشان اطلع اللي بقلبي ومااعاد اقدر اقراه بعدين….. يعني خط مخربش… ولكن هذي الفكره بعد ما نفعت معي لاني إذا رجعت للي كتبته احاول افك الخط وارجع اتضايق لاني اطلع كم جمله وافهم وش كتبت.. ع العموم لين وصلت لهذي الطريقه المميزه بالتدوين اخذتها من احد المنتورز  قبل .

الفكره هي انه :

1) اول قسم مساحه لتدون بشكل عادي…يعني كإنك بتدون عادي .
2)قسم خاص للإمتنان.. تكتب إنت وش تشكر الله عليه خلال اليوم وش الشيء اللي انت ممتن عليه .

3)قسم خاص بالحظة السحرية (يعني شيء حلو حسيت فيه خلال اليوم واسعدك..) كلمه حلوه.. ضمة طفل الخ 😍

4)بعدها قسم وش تعلمت اليوم؟… اكتب اي شيء تعلمته اي فكره اي معلومه.. او شيء جربته وتعلمت منه شخصياً اكتبه… هذا الشيء رح يزيدك حكمه.. تصير حكيم زي ماهو مكتوب تحت بالمدونه .

5)اخر شيء.. تكتب المهام اللي رح تسويها من بكره.. لما تكتب وش رح تسوي قبل ما تنام.. تصحى وإنت عارف وش رح تسوي.. مو ضايع وتايه ويروح منك يومك ماسويت اي شيء

متى نستخدمها ;

احسن وقت لإستخدامها قبل النوم… 🌘🌠

وبالأخير أتمنى أكون ساهمت بخلق وتسجيل ذكرياتكم الحلوه ولحضاتكم السحريه وساهمت ولو بشيء بسيط في سعادتكم وزيادة حبكم لأنفسكم ولغيركم وحكمتكم بعد