بعض الأحيان ممكن تتزاحم الأفكار برأسك لدرجة انها تكبل جسمك يصير يومك كله وانت داخل رأسك وداخل تفكيرك… هل مريت بهذا الشعور من قبل؟
عندك افكار كثيرة وما تدري وش تختار منها فتجلس تفكر وتفكر وتفكر ومع هذا التفكير تتأزم نفسيتك تحس وكأنك محجوز داخل جسمك… هو شكلك الخارجي يوحي بأنك فاضي ما عندش شي ولكن عقلك في دوامة كبيرة من الأفكار والمسائل والخيارات الي مالها نهاية
هذا هو شكل التفكير الزايد والي من يعتبر من أهم الأسباب في إن الإنسان يعيش حياته على نفس الوتيرة ونفس الشكل.. فيعيش نفس السنه كل سنه مافيه احداث وتطورات فقط هو مع افكاره
من خلال تجربتي هذي الحالة تجي للأشخاص الي عندهم قدرة تحليل عالية فعقلهم تحليلي.. يحب يحلل الأشياء ويحب أيضاً يكون متأكد وثابت في خطواته.. ما يحب يغامر ويخاطر فتلاحظ انه قبل يبدأ في تطبيق فكره يأخذ وقت طويل ليبدأ فيها ويحاول يعرف ويتأكد انها رح تنجح
ولكن في الحقيقة مافيه شيء ثابت ومافيه شيء اكيد… مهما اخذ الشخص سنوات ليدرس فكره معينه ويحاول يثبت نجاحها بدون ما يبدأ فيها مارح يعرف أبد
طيب كيف يتخلص الإنسان من التفكير الزايد
١) اكتب مهام فعلية لبكره وش رح تعمل بالضبط اذا ما عندك امور مخطط انك رح تعملها رح ترجع لنقطة الصفر (الدعوه مو بأن الإنسان يشغل نفسه بشيء قاني وليكن ليطلع من أفكاره للعالم الخارجيل
٢) اذا عندك افكار كثيره ومحتار اي وحدة تختار منها طبقها كلها واحد ورا الثاني.. الفكره الممتازه رح تختارك
٣)طبعاً مو كل الاشخاص يفكرون بالمستقبل فإذا كنت تفكر بالماضي واحداث الماضي وعايش هناك فتصالح مع الماضي وأمضي للأمام لو ما تجاربك بالماضي إنت مو إنت اليوم ..وبالنسبه لي ما فيه أسوء من انك تكون عايش بالمستقبل إلا بانك نعيش بالماضي
4)أكتب كل الي مشغلك على ورق ,.,دوّن قد ما تقدر