اعتقادات خاطئة عن هذا الشهر الفضيل (شهر رمضان )

اعتقادات خاطئة عن هذا الشهر الفضيل من وجهة نظرررري.. اوك

خلونا نبدأ

اول اعتقاد انه اذا انت صايم معناتها رح تكون تعبان ومرهق طول اليوم.. وهذا اعتقاد خاطئ الصيام على العكس يعطيك نشاط يعني مفروض تكون نشيط وحيوي أكثر.. لإن جسمك مرتاح من عملية الهضم الي ماخذه المركز الأول في سحب طاقتك 🔍📖

الإعتقاد الثاني.. النهار نوم والليل سهر… عادي تقدر تسهر بالليل بس مو معناته تاخذ يومك كله وبطوله نايم.. سلامات انت في سبات شتوي ولا إيش..! زي ما قلت مفروض تكون انشط فنوم النهار في شهر رمضان مجرد عادة والعادة حتى لو كانت من سابع جد ما يعني انها صحيحة

الإعتقاد الثالث.. شهر رمضان يعني لازم تسوي سفرة🍪🍩🍨🥙🥚 عشره متر في عشرين متر!! ماادري ايش مصدر هذي الفكره هل هي من المجتمع او الإعلام والميديا.. ع العموم شهر رمضان لصحتك انت فما ينفع تستفيد من الصيام وتريح جسمك ثم تروح وتأكل بكميات كبيره وتخرب كل شيء الفكره انه سو الشيء الي رح تأكله فقط..والأفضل يكون صحي

الإعتقاد الثالث.. شهر رمضان يعني تشتري فيمتو😂 🍷❌ شركة فيمتو عملت ماركتنق وتسويق كبييير لدرجه انه عقلية المستهلك ربطت الصيام بعصير فيمتو واذا انت صايم لازم يكون موجود ع السفره.. وهذا شيء احييهم عليه ولكنه تسويق.. الفيمتو كله سكر ومارح يفيدك ومارح تغذي جسمك كويس اذا شربته مع الفطور ولكن بالعكس رح تحس بخموول كبير بعده لإنه بإختصار مليان سكر فحتى لو كان اساسي عند معظم العوائل مو شرط يكون اساسي على سفرتك 👌👌

الإعتقاد الخامس.. شهر رمضان يعني مسلسلات.. عاد ما يحتاج اتكلم عن هذا الموضوع اترك لكم هذي الفكرة تناقشونها تحت بالتعليقات

اكتبوا اذا فيه شيء نسيته ومفروض يكون بالقائمة ❣️❣️📖