صباح الخير والسعادة لكم جميعاً….
موضوع اليوم للأشخاص اللي يحصلون دخل من السوشال ميديا هل يعتمدون عليه ولا لا؟
اكبر خطأ يسويه الأشخاص اللي عندهم مشاريع ناجحه او أفكار ناجحه او هم بأنفسهم أشتهروا وكل الناس صارت تعرفهم.. إنهم يعتمدون على هذا المدخول تماماً… ويعتقدون بأنهم رح يعيشون بهذا المستوى للأبد… من عدد المبيعات إلى العملاء او المبلغ اللي يحصلونه من كل إعلان بشكل مباشر او ع اليوتيوب وغيرها من المنصات او حتى على شهرتهم.. .
الحقيقه اللي مو كل الناس مستوعبها.. أنه هنا ما فيه شيئ مضمون…. أبد…
فحتى لو كنت مشهور وعندك ملايين المتابعين وإعلاناتك بمئات الألوف… ممكن بيوم من الأيام الناس تنساك وتنتقل لشخص جديد…
هل أنت رح تضل مشهور للأبد ؟
طبعاً لا.. زي النجم اللي فتره يسطع وفتره يخفت
او اذا تمتلك شركه مبيعاتها كبيره.. وانت طبعاً معتمد على امازون تماماً… وفجأه امازون غيرت سياستها ومنتجك نزل للصفحات الأخيره وماصارت الناس تشوفه وش رح تسوي؟
او حتى لو كل المنصات تقفلت وش رح تسوي؟ .
واقع مخيف… فالفكره انه لازم تستثمر مهما كان المبلغ اللي تحصله من السوشيال ميديا او امازون او اي منصه ثانيه لا تغتر بنفسك وتروح تصرف فلوسك يمين وشمال عشان تثبت لغيرك بأنك وصلت.. وإنت ما عندك إلى مليون بس…. ترى حتى لو عندك مليون ما تعتبر وصلت وبإنك بأمان…
كذا تتعامل مع المال بذكاء… أحصل فلوس أستثمرها بنفسي.. بصحتي.. بعقارات ومشاريع اخرى مالها دخل بالسوشال ميديا .
فيه برنامج اسمه وينك.. يعملون مقابله مع أشخاص لنا فتره طويله عنهم.. فبعض الأحيان يعمل مقابله مع لاعبين كرة قدم كانوا بأنديه كبيره.. ووضعهم الآن اللي حارس واللي عاطل الخ
فلما يسألونه عن السبب يقول النادي خذلني ولم يدعمني… والحقيقه هو اللي خذل نفسه…
الشخص اللي توصله ملايين ولا يستثمرها ويضيعها بسفرات وسيارات ومظاهر … هو اللي خذل نفسه وخذل أهله معه..
فبإختصار.. إنت تحصل دخل لا تعتمد عليه ويكون مصدر دخلك الوحيد ولا تضيعه إستثمر فيه.. لا يهمك كلام الناس.. حتى توصل لمرحلة تستقطع تقريباً اكثر من ٧٠٪للإستثمار
طبعاً هذا الكلام يشمل كل شخص حتى لو كنت موظف لا تعتمد على راتبك بس 💵
