هذا البوست للأشخاص الخجولين… اللي يستحون… اللي مايرفعون أيديهم بالقاعه وهم عارفين الجواب.. اللي يجلسون في اخر الصف عشان يبتعدون عن الأنظار.. اللي يستحون يعبرون عن انفسهم ويعرّفون عن انفسهم في المقابلات الشخصيه وإجتماعات العمل …
كلنا مرينا بمواقف زي كذا.. كلنا بلا إستثناء….. زي السؤال اللي وصلني قبل يومين استحي واخجل اتكلم انجليزي..
طيب وش الحل…
فيه مقوله اسمعوها وكرروها.. اخذتها من كتاب the magic of thinking big
طيب وش تقول..
( لتفكر بثقه تصرف بثقه)
يعني إيش…
يعني لما تحس بخجل لا تبلع لسانك ولا تتجاهل الصوت اللي بداخلك ولا تهرب
على طول تصرف، تكلم، ارفع إيدك،،عبر بس لا تسكت
درب نفسك انك تتكلم وتبدي وجهة نظرك كل مره يمر الصوت بداخلك.. وما تسكت وتتجاهله… فقط عشانك خايف من ردة فعل.. مستحي تكون إجابك غلط.. او الناس ممكن يضحكون عليك الخ
act.. act.. act
اوكي.. مافيه حل سحري… مر بكل التصرفات الصحيحه حتى تحصل على المشاعر الصحيحه… (اغلب الناس ينتظر توصله مشاعر الثقه والجرأة عشان يكون جريئ)
العمل أولاً ثم تليها المشاعر
طيب وش التصرفات الصح.. من وجهة نظر الدكتور David J Schwarts
يقول الدكتور..
- خلك دائماً في المقدمه
.. بأي مكان.. بأي قاعه.. بأي مجلس ( الا اذا كان ممتلئ بكبار السن)
خلك رقم واحد بكل مكان خل الناس يشوفونك…
هل لاحظت انه غالباً المقاعد الخلفيه تمتليء قبل الأماميه..
لانه اغلب الناس مو حابين احد يلاحظهم والسبب قِلة ثقتهم بأنفسهم
الشيء الثاني..
تدرب على النظر للعيون..
يعني اذا انت تبي تقابل او تقول لأحد شيء تحدى نفسك تناظر بعيونه…. ما يحتاج اقولكم قد إيش النظر بعين الشخص دليل على ثقتك وإعتزازك بنفسك…. تخيل معي شخصين واحد عينه تحت ولا تلف وتدور وشخص ينظر بعيون لشخص اللي قدامه.. من الي ثقته بنفسه اعلى 😉
لذلك تدرب عليها.. ترى مو سهل من جد يبغاله تدريب… الشيء الظريف انه فيه دوره إسمها aye gazing
يعني البحلقه او التركيز في العيون يتعلم فيها الحظور كيف يعززون ثقتهم بأنفسهم بهذي الطريقه
الشي الثالث..
مشيتك تكون اسرع… ظهرك على ورا.. وراسك مرفوع…
خذ عشر دقائق من وقتك وانت بمكان عام وقيم ثقة الناس من خلال مشيتهم.. رح تذهل من النتيجه.
تذكر حركاتك تدل عليك وعلى قد إيش انت واثق من نفسك..
.إذا تصرف.. كن بالأمام.. ركز بالعيون.. امشي صح
.اتمنى اعجبكم هذا البوست كل الحب والنجاح يعم طريقكم
