هذا الموضوع اللي اغلبكم إختاره وما إستغربت لانه كثير من عملائي عندهم نفس هذا التساؤل وهذي المشكله .
هل اترك دراستي وأبدأ أشتغل بنفسي؟
.طبعاً دائم اقول واكرر ان الدراسه ما تعني النجاح… والشهاده ما تضمنها… تقدر تكون ناجح وانت ما تملكها ،،،
فالنجاح شغل وإجتهاد وإنضباط شخصي الدراسه مالها اي دخل فيه
طيب… هل اشجعك انك تفصل من المدرسه او العمل وتتخذ هذي الخطوه الجريئه وتبدأ تشتغل ببزنسك الجديد.؟
طبعاً لا…. لأنك انت تهرب من شيء لشيء ثاني وهذا آكبر غلط… تهرب من الدراسه او العمل للمجهول…
ما ينفع كذا…. البزنس محتاج التزام ووقت.. يمكن يبيلك تشتغل سنتين ثلاث لحتى توصل للإستقرار اللي انت تبيه.. و في هذي المرحله إترك خياراتك مفتوحه لا تقفل باب والباب الثاني باقي ما فتح
يقول وورن بافيت (لاتختبر عمق النهر بكلتا قدميك) .
فإدرس وإشتغل بنفس الوقت.. اذا ما نجح مشروعك يكون خيار الشهادة باقي معك تكون كسبت شهاده…إما تنفعك بوظيفه ودخل إضافي يخدمك
وإذا نجح مشروعك تحطها بدرجك ويكون عندك مسمى خريج… . .
وهذا الشيء طبعاً راجع لك كل شخص يختلف عن الثاني ولكن إمش بخطوات ثابته ومستقره وخل كل الخيارات دائماً مفتوحه
اذا انت تشتغل ببزنس وتشوف انه ناجح ودراستك مارح تخدمك وإنت محتاج الوقت اللي بتدرس فيه للعمل عندها تقدر تخطو هذي الخطوه وتتنقل له
فيه نقطه ثانيه.. مجتمعنا العربي باقي شوي منغلق،، يعني اذا انت من النوع اللي تتأثر بمسمى المرحله اللي انت متخرج منها… فعندها كمل وخذ شهادتك…
وهذا ما يغير من الواقع شيء… النجاح الحقيقي هو التعليم الذاتي والتطبيقي وان انت تبني نفسك بنفسك، تدعم نفسك، يكون عندك هدف وغايه تدفعك بقوه بإتجاه اهدافك…. .
طيب فيه سؤال بعد يوصلني وهو… وش التخصص اللي ينفع لإدارة الأعمال؟
اذا انت تبي تكون رائد اعمال.. لا تتعب نفسك وتدخل هذا التخصص،، ورق مجرد ورق.. اكتب إقرأ إحفظ وإختبر وإنسى…
مارح تتعلم شيء اذا ما دخلت وجربت وطبقت بنفسك.. وزي ماقلت قبل اغلب الأساتذه اللي يدرسون هذا التخصص ماعندهم بزنس وعمل خاص من الأساس ،، فكيف تبيهم يعلمونك
ادرس بنفسك وتعلم بنفسك خذ كورسات دورات وإبدا خطوه خطوه حتى توصل
