اني أصحى الصباح الساعة خمسه كان مثل الحلم بالنسبة لي…. ولما اشوف أشخاص ع اليوتيوب يصحون بهذا الوقت ويحكون تجربتهم هنا 🤯
يعني كيف؟ ماشاء الله عليهم كيف يصحون الساعة خمسه ومايرجعون ينامون على طول؟
فهذا الشيء كان مرره كبير بالنسبة لي رغم إني أصحى بدري مقارنة بمجتمعنا يعني كنت أصحى الساعه ٨
بس الساعه ٥ كان هدف بعيد وصعب
ولكن بإقتناع حولتها إلى عادة وصرت أصحى كل يوم الساعه ٥ ونص تقريباً وكان من أجمل الأشياء الي عملتها بحياتي
أصحى وأعمل طقوس الصباح وأشتغل والناس نايمين بدون مااحد يقاطعني.. هدوء وروقان تأمل وإمتنان.. جو من جد ياخذ العقل…
طيب كيف سويتها؟
بالبدايه ماعقدت العزم بإني أنام بدري عشان أصحى بدري… كانت النيه إني أصحى بهذا الوقت وخلاص نقطه وإنتهى
وفعلاً نمت وصحيت ع الموعد…
وجاني نوم نووووم عيوني تقفل.. مااقدر أفتحها بس حسيت بهذا الشعور وقاومته وتذكروا البدايات دائماً أصعب
ويوم ورا يوم بديت انام بدري وأصحى بدري وأحاول أصحي عائلتي بدري عشان ما يزعجوني بالسهر
.واليوم ما أتخيل ما أتخيل حرفياً اني أطول بالنوم آو أنام زي معظم الناس بالإجازات او الويكند للساعه ١٠ او ١١ 😪 لانه لاحظوا… لما الإنسان يتعود على عادة ومع الوقت من ترسيخها تصير أسهل انه يقوم بها من انه يتركها وهذا الي صاير معي.. ع العموم بعطيكم نقاط وطبقوها والله معكم
أول نقطه إبتعد عن الأجهزه الذكيه وقت النوم… لا تدخلها غرفتك
والله يا النومه اللي ما يكون فيها جوالك جنب راسك إنها عميقه ومريحه بشكل وتصحى طاقتك فل…. لا تستهينون بالذبذبات الي تطلقها هذي الأجهزه وتأثيرها على الدماغ وجودة النوم
ثاني نقطه.. إشترِ ساعه ومنبه قديم.. تذكرون الساعه القديمه المربع الي تضغطها من فوق إذا دق الجرس.. ايوه هذي هي حطها بدال الجوال⏰
ثالث نقطه.. الساعه قدمها نص ساعه زياده… ووقتها على خمسة ونص
.. عشان تعطيك شعور بأنه الوقت متأخر وهو بعده بدري… فتصحى والساعه ٥ ونص وفعلاً هي خمسة حكم
ملاحظات بسيطه.. رح تحس بالنوم ولكن تحرك إطلع إمشي.. لا تجلس بسريرك او بغرفة نومك
الشيء الثاني.. إعرف وش رح تسوي.. اليوم الي ما تعرف فيه واجباتك او مهامك خلال النوم.. وش رح تسوي..؟ طبعاً رح ترجع لسريرك.. فأكتب مهامك قبل
وأخر نقطه… الإنضباط مثل العضله كلما مرنتها صارت أقوى وعشان تصير شخص ناجح لازم ترضى تعمل أشياء وأمور يعملها الأشخاص الناجحين والماسترز حتى ولو كانت غير مريحه بالبدايه
كل التوفيق وصباحات رائعة وإسطورية بإذن الله ❤
