كيف أسوي جدول وألتزم فيه ؟
موضوع اليوم وكان من إختياركم ،،كيف اعمل جدول والتزم فيه ؟
طبعاً انا يمكن اكثر وحده سوت جداول بحياتها ،،احب التخطيط واحب حياتي تكون منظمه وع المسطره
وبيني وبينكم من اللي ما يحب !
ع العموم يا أصدقائي كل فتره والثانيه امسك ورقه وقلم وهاتك يا تخطيط ،،،،،يوم الأحد بعمل واكتب قائمه 📝
ويوم الإثنين ….📝 والثلاثاء 📝،،الخ
طبعاً الجدول يهوس يهبل مثالي قمه في الروعه ،،يعني ولا نقطه 👌
حتى الألوان ملونته 😆
واقوم اعلقه على ثلاجه او اخليه بأحد دفاتري
ويالله اول يوم حمااااس احاول اطبق كل شيئ 😊
،،،ثاني يوم طبقت ثمانين بالميه وثالث يوم سحبت 😢
رابع يوم ربع المهام عملتها وخامس يوم سحبت ،،،،
نهايه الاسبوع تعب نفسي وتأنيب ضمير مؤلم وقاسي 😭
،بعد فتره اتضايق من نفسي ،،،كل شيئ مو عاجبني وانا مو عاجبه نفسي ،،،،امسك ورقه وقلم *عاد هذي لعبتي😂
ويالله تخطيط جديد وتطلع الافكار الإبداعيه وكل الأحلام والأمنيات ،،،
بالعاده سابقاً كنت اكتب جداول تخص التطوير وتنظيف البيت ،،،،وعاد تنظيف البيت عقدتي ،،أكرهه وما أحبه
.فأحاول ابحث عن أفضل طرق التنظيف واحسن الحسابات وافضل جداول التنظيف ،،،،ياخذ مني الوقت فتره طويله لين احدد الجدول
وإسبوع لين اتركه 😬
طبعاً وصلت لمرحله أخاف ،،،،أخاف اكتب جدول ،،،ليش؟
لأني أخاف أخذل نفسي ،،،،شعور الخذلان جداً مؤلم ،،،يصير ماعاد تثق بنفسك وتثق بأنك قادر تكون الشخص الناجح المنضبط والمتمكن في حياته .
هذي كانت قصتي مع الجداول بشكل مختصر ،،،وهذي المرحله اخذت مني سنييين لين أكتشفت أخطائي وكيف احل هذي المشكله
فالتجربه هي أساس الخبره ،،يصير الإنسان يفهم نفسه ويفهم النمط اللي يكرره على نفسه كل مره
فبقولكم الحين الأخطاء اللي كنت اسويها وأنتوا طبقوها على واقعكم اياً كان
❌اول خطا “الإندفاعيه “
يعني لما اكتب جدول اتحمس واكتب أشياء فوق إمكانياتي وقدرتي الحاليه بأشواط
مثلاً : انا إنسانه ما أسوي رياضه ،،،فأقوم أكتب اعمل رياضه ساعه كل يوم او مثلاً اكتب نظام دايت حق ابو زبادي وتفاحه وأنا اكلي كله كبسات وبرجر وبيتزا
فالحل ،،،خذ بريك ،،خل الحماس يخف وإفهم نفسك ،،،بدل كل يوم ساعه رياضه ،،ثلاث أيام مشي لمدة عشر دقايق ،،،او 3 مرات فطور صحي خلال الإسبوع
❌ الخطأ الثاني “الإعتماد الكلي على الذات “
مثلاً :مثل حالتي مااحب شغل البيت وعندي القدره اوظف شخص ينوب عني ويشيله ،،واحاوا اجبر نفسي واختبر شعور الخذلان مره ومرتين وثلاث ،،،خطأ كبير ،
فالمقابل ببساطه اوظف اي عامله تقوم بالمهمه وأنا ارتاح وأتفرغ لأمور ثانيه أنا أحبها
وهذا الشيء ينطبق على كل شخص يبي يخفف الضغوط على نفسه ويقلل من المهام المزعجه اللي رح يكتبها بجدوله 🌟
❌ ثالث خطأ “جلد الذات “
مثل :انا ما التزمت اتضايق وازعل وأنقهر من نفسي ،،،واقفل الموضوع من النهايه
فالصح وهذا شيئ جداً مهم ،،،إنك تتفهم نفسك ،،تعطيها مساحه تخطي،،مساحه تخبص ،،،مساحه تكون فري وما تمشي على النظام وبنفس الوقت ما تتضايق من نفسك ،،،،
(النفس لها إقبال وإدبار )
،،،ولازم نتفهم هذا الشيئ ونكون أوكي معه مادام إننا عارفين بإنا رح نرجع ونلتزم بعد فتره ،،،
وقبل لا أنهي الموضوع اذا نويت تعمل تغيير ،،إعمله حبه حبه زي خطوات الطفل ،،،لإننا ما نحب التغيير بشكل عام وعشان ما ننتكس ،،،زي اللي مثلاً يدخل نادي وينقص ثلاثين كيلو ويرجعها بعد شهرين😥
حن نبي التغيير يكون دائم والشيئ الدائم يبغاله هدوء وروقان وتروي ،،فإكتب جدولك على هذا الأساس إبدأ بخطوة طفل ،،،يعني جدولك يكون مبسط وسهل جداً جداً ،،وبعدها زيد عليه بعد فتره معين…
واذا تبي تعرف وش أفضل المنظمات لتخطط فيها خطة حياتك القادمه إطلع على هذي المقاله
أفضل مخطط جدول أعمال للتنظيم الوقت وزيادة الإنتاجية في 2018
