صيام العصير

مرحبا

اليوم بتكلم لكم عن تجربتي بصيام العصير وش الأشياء اللي مفروض تسوونها وما تسوونها بناءً على هذه التجربه

صيام العصير كان هدف من اهدافي لهذي السنه… لان له فوائد كثيير وفيه اشخاص كثير ينصحون فيه

ع العموم عملته قبل ٣ ايام مفروض اليوم يكون رابع يوم ولكن لظرف خاص قطعت المده اللي ببالي واللي كانت ٤ ايام

اول شيء خلونا نعرف وش صيام العصير….

هو ببساطه تقضي فتره زمنيه معينه بدون اكل.. فقط عصير اخضر وشوي فواكه…(بالنسبه لي أضفت صحن سلطه في المساء… لنزيد من السعرارات الحاريه قد ما نقدر.. اضيف لها زيت زيتون.. وأخذ فيتامينات كمان) .

ليش؟

عشان تريح جسمك وتعمله ديتوكس وإزاله سموم

طيب وش الأشياء اللي لاحظتها خلال هذي التجربه؟

.اول شيء لاحظته هو اني ماحسيت بجوع كبير زي ما كنت متوقعه…. يعني فيه رغبه بالأكل بس مو جوع… وهذا الشيء فاجئني مرره.. لاني عملت صيام الماء السنه اللي راحت وكانت ايام صعبببببه…صعبه مرررره .

وبعد حسيت بطني صار مشدود.. كانت فيه تلبكات هضميه إختفت… ما صرت احس فيها

وأيضاً احس اني صرت خفيفه..

اشياء تركزون عليها اذا ناوين تعملونه..
.
اول شيء خلو الثلاجه تمتلئ خضروات.. لانكم رح تحتاجونها. الخطأ اللي سويته انه ماشريت كميه كبيره… يعني الخضروات اللي بالعاده تخلص بأسبوع او اسبوعين خلصتها بيومين فزيدوا الكميه
.
.
.
الشيء الثاني.. إشتروا عصاره… ما تقدرون تعملون هذي التجربه بدون عصاره… فيه فرق بين الخلاط والعصاره… الخلاط اللي عند اغلب الناس بس يخلط الأكل والعصاره تصفيه…. نزلت صوره عن عصارتي امس.. وهذا رابطها

عصارة اوميقا

الشيء الثالث.. لا تجهدون انفسكم عطوا نفسكم بريك من العمل.. الرياضه القويه.. خلو الجسم بس يركز على تنظيف نفسه.. ما يركز على بناء العضل او غيره

أخيراً.. بعد ما تخلص من الصيام انتبه تاكل وجبه ثقيله او حتى ثقيله شوي.. رح تتعب بطنك.. فالأكل يدخل شوي شوي.. حتى ما نفاجئ المعده ويصير فيها تلبك او إضطرابات بالهضم .

بالنهايه… 🎯
هل رح اكرر التجربه…؟ اكيييد رح تكون عادة سنويه ورح ازيد المده اكثر…. مو صعبه زي ما كنت متخيله.. صحتنا لازم تكون أولويه ولازم ناخذ هذا الموضوع بشكل جدي.. نكون بوضع المبادر.. نهتم ونعتني فيه حتى ما نوصل للوقت اللي يكون فيه الأوآن إنتهى … تذكر خلو جسمك من الأمراض ما يعني بأنك إنسان صحي.. وأيضاً لما تعاني من مرض مو معناتها بأنك تعبت فجأه… معناها إن جسمك جالس يتحملك فتره طويله لحتى أكتفى وما قدر يتحمل أكثر

موضوع اخر رح يفيدكم

أفضل عصارة في السوق: دليلك للاختيار من بين عدة ماركات