موضوع العادات من المواضيع الإكسترا إكسترا إكسترا مهمه ….مره مهمه
ليش ؟
لإن العادات تشكلنا …أنت بمكانك الٱن بسبب عاداتك وأنا بمكاني الٱن بسبب عاداتي
فيه إقتباس مره أحبه يقول “إذا أردت أن تتنبئ بمستقبلك فأنظر إلى روتينك اليومي وعاداتك”
وفعلاً كلام صحيح عاداتك الٱن رح تشكل مستقبلك …فسواءً إنت مدمن قهوه و سكر او شاهي اخضر وسموذي ..تجلس بالساعات ع اليوتيوب او تستمع لبرودكاست ..تتأمل أو تتفرج على أفلام ..تصحى مبكر او مع أذان الظهر ..
كلها عادات إما رح تبنيك أو تهدمك ..تدعمك للمستقبل أحلامك أو تعيقك ⛔
طيب وش السر وكيف نغير أو نضيف عاده جديده لحياتنا ؟
بالعادة إذا كنت مثلاً حاب تتجه لنمط حياه صحي ورياضي
تقول لنفسك خلاص انا بقطع السكر و مارح اشتري برجر وأكل من المطاعم …ورح اكل سلطه واكل صحي طول اليوم ورح اعمل رياضه واشترك بنادي يومياً الخ 🏋
وهذا اللي نسويه دائما ..صح ولا لا ..
ولكن هنا حن نتعامل مع هذا القرار وهذا الموقف وهو موقف التغيير وكإننا نملك عقلية محترف ..شخص له بالصحه والرياضه سنين …
وفي الحقيقه حن مالنا يومين بس …
فما يحتاج اقولكم إيش رح يصير بعد كم يوم من قرار التغيير هذا …..
الفشل الفشل الفشل الذريع والمحبط كمان 🚫
طيب إيش المفروض نسوي وإيش السر والخطوات الصحيحه ؟
ركزوا معي 💡
∆نتعامل مع عقليتنا على إنها مبتدئه بهذا المجال
∆نتعرف على الهدف (نمط حياه صحي )
∆ بدل ما نعيشه بالكامل ونحاول نضع مهمات صعبه …نتجه للمهمات الأسهل مثل
∆اقطع نوع من انواع الحلويات مثل m&ms__هل هذي المهمه صعبه ؟
لا سهله اقدر امتنع عنه بكل سهوله
∆اخيراً …القرار يكون دائم ..يعني لما امتنع عنه امتنع نهائياً √
وبعدها بكم إسبوع الاحظ إني حققت هذا الهدف ونجحت فيه بسهوله ..فأحط هدف ثاني مثل
∆اقطع المشروبات الغازيه داخل المنزل ..يعني اقدر أشرب بيبسي برا البيت بس داخل البيت ما أشتريه ولا اشربه …
وهكذا كل مره نضيف أو نبعد شئ جديد حتى نوصل للايف الستايل اللي نرغب فيه وهو نمط حياه صحي 🌱
∆ بعد اول هدفين رح تتغير هويتك من شخص كل أهدافه ومحاولاته للتغيير فاشله فيشكل هويته على هذا الأساس وهذي التجارب … إلى شخص بطل يحط هدف وعاده ويطبقها …فكإننا نبني هويه جديده غير هويتنا القديمه …
فالتغيير يبدأ بعقليتنا اول ..قبل أي شئ ثاني 🏋💡
هذي الطريقه اؤمن فيها تماماً ..احثكم تجربونها وقولو لي نتايجكم ..ووش العاده اللي بطلتوها أو العاده اللي صارت جزء من حياتكم 💪؟
