اهم 3اسئله ممكن تسألها نفسك !!!
هذي الاسئله اخذتها من شخص اسمه
“فيشين لاكياني”
.ولد بماليزيا_ كوالالمبور ،
فيشين عاش حياه تقليديه مع والدين هندوسيين ..واغلب العائلات في العالم يفضلون إن يكونوا ابنائهم أطباء او مهندسين او في مهنه لها مكانه إجتماعيه عاليه ،واذا مااتبع هذا البرتوكول يعتبر شخص فاشل ،،فكان هذا الشيئ بمثابة الضغط على فيشين انه يدخل تخصص وينجح فيه بالرغم من انه يعتبره مو من اهتماماته ،
وبالفعل دخل تخصص هندسه برمجيه وتخرج وقدم اوراقه لشركة مايكروسفت وقبلوه ،،.طبعاً الحين فيشين يشتغل ل”بيل قيتس” ومفروض يكون اسعد شخص بالعالم ،،،من يحصل له هذي الفرصه 😍.
.ولكن اللي صار العكس كان فيشين يحس بملل لا يطاق وكان يقضي ساعات العمل باللعب على الجهاز ،
وطبعاً اخذ الموضوع كم اسبوع وتم طرده ….
يقول اصلا كان ودي انهم يطردوني وكنت متوقع هذا الشي ،،
بعد خروجه من مايكروسفت بحث عن اشياء يحبها ويميل لها وكمل فيها ،،،وكسر الدنيا فعلياً كسر الدنيا ..
هو الان المؤسس والمدير التنفيذي “Mindvally”لامبراطويه
يمكن لمحتو لها إعلان من قبل “عن التأمل واليوقا ويجذب اكبر المؤثرين بالعالم ويعرض افكارهم على الأشخاص المهتمين واللي حابيين يغيرون من حياتهم “
ممكن تعرفون او سمعتوا عن الرجل الهولندي “ويم هوف “اللملقب برجل الثلج اللي يتحمل اعلى درجات البروده من دون ما يموت اوحتى يمرض …
كان ويم هوف احد المتحدثين والمدربين “Mindvally”الشهر الماضي في ال 💓💓.فيشين ايضاً كاتب وله كتاب يعتبر الأفضل مبيعاً
ع العموم نشوف الأن الأسئله الثلاثه اللي يعتبرها فيشين اهم أسئلة ممكن تسألها نفسك !!
.اول شي امسكو ورقه وقسموها 3اقسام طوليه :
السؤال الاول ؛
ماهي التجارب التي اريد تحربتها في حياتي ؟:
تكتب اشياء ودك تجربها مثلاً اضم اول مولود لي ،اصحى كل يوم بجانب الشخص اللي احبه ،تجربة افتتاح اول مشروع لي ،،او اول زبون لي ،،السفر للمدينه الفلانيه ،،المغامره الفلانيه مثل ،،القفز من على الطائره ،،اكتب كل التجارب اللي تتمنى تجربها في حياتك ..
(اهم وأعظم التجارب في العالم غالباً لا تحتاج الى المال).السؤال الثاني ؛
لأكون المرأه /الرجل الذي اختبر تلك التجارب يجب على ان اتطور في ؟
تكتب هنا امور تنمو وتتطور فيها لتعيش تلك التجارب اللي تتمناها ،
مثلاً كيف اكون ام افضل/زوجه افضل/إبنه أفضل ؟،وش اللغات اللي حاب اتعلمها ورح تفيدني بالسفر ؟،اتعلم الكتابه ،التسويق ،العزف الخ…
(النمو والتطور يعتبر هدف بحد ذاته )السؤال الثالث ؛
كيف اعطي واشارك واساعد في هذا العالم :؟
هنا تكتب وش الاشياء اللي رح تقدمها للعالم ،،مثلاً اساعد الشباب في ريادة الأعمال وكيف يستقلونمادياًوهنا يحصل الإكتفاء الروحي الحقيقي لما تساعد غيرك ويكون لوجودك مغزى وغايه في الحياه
،،اجمل شعور في العالم هو العطاء
هذي الاسئله هي الاسئله اللي رح توجهك فعلاً للأشياء اللي تتنمى تحقيقها في حياتك أنت فعلياً ،بعيداً عن تأثير اي عاده او ثقافه او موروثمجتمعي تقليدي تعودنا عليه !~8
